آنه اللي أصيرن بيها مهوالك
حرت يا صاحبي ابياجلمه اراضيك
مو مالي كلب يصبر على زعالك
امس شفتك وروحي رفرفت يمك
ولساني انشجل ما ينطقه الاسمك
جنت ناطر صدفتك وانظر الرسمك
بس جار الوكت واتبدلت احوالك
حالك هالتبدل والسبب مجهول
وقصتك يابعد عمري تحير اعقول
تبقه ابهالزعل هذا فلا معقول
يمته اتحن عليه واكعد اكبالك
يمته اتحن عليه وافرح ابملكاك
وسولفلك الصار ابيوم هدني اجفاك
حياتي اظلمت ياصاحبي ابلياك
حندس دنيتي ياصاحبي شمالك
حندس صارت ايام العمر ياصاح
نسيت انته ا لمضه وياي واللي راح
ورسمك بالكلب وكت المسا ومصباح
تظل انته الحبيب الماكو امثالك
تظل انته الحبيب المايصح مثلك
وعهد ياولفي لو ترجع اهوسلك
هوسه ماسمعهه انسان من كبلك
وانه اللي اصيرن بيها مهوالك